Indversk linsubaunabuff með gulrótum og sætum kartöflum

hinn

Bragðmikil, stökk að utan og mjúk að innan. Þessi linsubaunabuff eru bæði saðsöm og holl, full af ilmandi indverskum kryddum og passa jafnt í kvöldmat og nestisboxið daginn eftir.

Hráefni

Linsubaunabuff

  • 3 dl soðin hýðishrísgrjón (brún eða hvít)
  • 250 g soðnar linsubaunir (eða aðrar baunir)
  • 2 gulrætur, rifnar
  • ½ sæt kartafla, rifin
  • 2 stilkar vorlaukur, smátt saxaðir
  • 2 msk tómatpúrra
  • 2 msk Tandoori Curry Paste
  • 2 hvítlauksrif, pressuð eða rifin
  • 1 tsk cumin
  • 1 tsk garam masala
  • 1 tsk engifer
  • 1 tsk kóríander
  • Salt eftir smekk (ég nota grænmetissalt úr Heilsuhúsinu)
  • Nýmalaður svartur pipar
  • Gróft spelt ef þarf til að þykkja

Rasp

  • Sesamfræ
  • Kókosmjöl

Aðferð

  1. Hitið ofninn í 200°C.
  2. Setjið öll hráefnin í stóra skál eða matvinnsluvél og blandið vel saman.
  3. Ef blandan er mjög blaut má bæta smá grófu spelti út í þar til auðvelt er að móta buff. Passið þó að setja ekki of mikið svo buffin verði ekki þurr.
  4. Mótið litlar kúlur og veltið þeim upp úr blöndu af sesamfræjum og kókosmjöli.
  5. Raðið á bökunarpappírsklædda ofnplötu sem hefur verið úðuð með olíu.
  6. Þrýstið kúlunum létt niður svo þær verði að buffum. (Eða bakið þær sem litlar bollur ef þið viljið.)
  7. Bakið í 8 mínútur, snúið þeim síðan við og bakið í 8 mínútur til viðbótar.

🥒 Heimagerð tzatziki

Silkimjúk og fersk sósa sem passar einstaklega vel með buffunum.

Hráefni

  • 1 agúrka, rifin
  • 250 ml grísk jógúrt
  • 2 hvítlauksrif, pressuð
  • Salt
  • Nýmalaður svartur pipar
  • 1 msk limesafi
  • 1 msk ólífuolía

Aðferð

  1. Rífið agúrkuna gróft.
  2. Setjið hana í hreina viskustykki eða grisju og kreistið sem mestan vökvann úr.
  3. Blandið agúrkunni saman við gríska jógúrt, hvítlauk, limesafa og ólífuolíu.
  4. Kryddið með salti og pipar eftir smekk.
  5. Geymið í kæli þar til sósan er borin fram.

💛 Birnu-ráð

  • Þessi buff henta einstaklega vel í frysti.
  • Einnig eru þau frábær í hamborgarabrauði með salati og tzatziki.
  • Ef þið eigið afgang daginn eftir eru þau dásamleg köld í nestisboxið.

Berið fram með

  • Heimagerðri tzatziki
  • Sweet chili sósu
  • Sýrðum rjóma
  • Fersku salati
  • Hrísgrjónum eða naan-brauði

Ummæli

Skrifa ummæli