Stökkur að utan, safaríkur að innan og ótrúlega einfaldur í gerð. Þessi kjúklingaréttur hefur allt – salsa, nachos og mjúkan kjúkling. Fullkominn hversdagsréttur sem öll fjölskyldan elskar.
Hráefni
- 4 kjúklingabringur
- Salt
- Nýmalaður svartur pipar
- Salsa-sósa
- 2 bollar nachos-snakk, mulið
- 75 g smjör eða smjörlíki, brætt
- Rifinn ostur eftir smekk (valfrjálst)
Aðferð
- Hitið ofninn í 200°C.
- Kryddið kjúklingabringurnar með salti og pipar.
- Smyrjið hverja bringu vel með salsa-sósu.
- Myljið nachos-snakkið og veltið bringunum upp úr því þannig að þær hjúpist vel.
- Leggið bringurnar í eldfast mót.
- Hellið bræddu smjöri eða smjörlíki yfir.
- Stráið rifnum osti yfir ef vill.
- Bakið í 25–30 mínútur, eða þar til kjúklingurinn er fulleldaður og hjúpurinn orðinn fallega stökkur og gylltur.
Meðlæti
Ég bar réttinn fram með:
- 🍠 Sætum kartöflufrönskum
- 🍝 Tagliatelle pasta
- 🥗 Fersku salati
💛 Birnu-ráð
Ég kryddaði sætu kartöflufranskarnar með:
- Herbamare grænmetissalti
- Nýmöluðum svörtum pipar
- Hvítlaukskryddi
Það passar einstaklega vel með þessum rétti.
Ég sleppti ostinum þar sem yngsti minn er með mjólkurofnæmi – og rétturinn var samt alveg jafn góður.
Ummæli
Skrifa ummæli