Einfaldur og saðsæll fiskréttur sem hentar einstaklega vel á virkum dögum. Mjúkur fiskur, rjómalöguð ostasósa og litríkt grænmeti – þetta er sannkallaður fjölskylduréttur.
Hráefni
- 2 fiskflök (ég notaði ýsu)
- 1 sæt kartafla
- 2–3 gulrætur
- 3–4 stórar kartöflur
- ½ Mexíkóostur
- ½ Piparostur
- 250 ml rjómi eða matreiðslurjómi
- Salt
- Nýmalaður svartur pipar
- Rifinn ostur til að strá yfir
Aðferð
- Hitið ofninn í 180°C.
- Flysjið og skerið sætu kartöfluna, gulræturnar og kartöflurnar í hæfilega stóra bita.
- Sjóðið grænmetið í 15–20 mínútur, eða þar til það er farið að mýkjast en heldur enn lögun sinni.
- Á meðan grænmetið sýður útbúið þið ostasósuna.
Ostarjómasósa
- Skerið Mexíkóost og Piparost í litla bita.
- Setjið ostana og rjómann í pott.
- Hitið við vægan hita þar til ostarnir hafa bráðnað og sósan er orðin mjúk og silkimjúk.
- Setjið soðna grænmetið í eldfast mót.
- Skerið fiskinn í hæfilega stóra bita og raðið honum yfir grænmetið.
- Kryddið með salti og pipar.
- Hellið ostasósunni yfir fiskinn.
- Stráið rifnum osti yfir.
- Bakið í 15–20 mínútur, eða þar til fiskurinn er eldaður í gegn og osturinn orðinn fallega gullinn.
💛 Birnu-ráð
- Brokkolí eða blómkál passar líka einstaklega vel í réttinn.
- Ef þið viljið aðeins meiri hita má bæta smá chiliflögum eða paprikudufti út í sósuna.
- Berið fram með fersku salati og góðu brauði.
Ummæli
Skrifa ummæli