⭐ Mjólkur- og eggjalausar piparkökur
Þessar piparkökur eru mjúkar í deiginu, auðveldar að vinna með og bakaðar án mjólkur og eggja. Þær eru því fullkomnar fyrir þá sem eru með ofnæmi eða vilja baka vegan piparkökur – og þær bragðast alveg eins og alvöru jól!
Hráefni
Deig
- 3 dl hveiti
- 1 dl púðursykur
- ½ tsk matarsódi
- ½ tsk salt
- 1 tsk kanill
- ½ tsk engifer
- ¼ tsk negull
- 60 g kalt smjör eða mjólkurlaust smjörlíki
- ½ dl haframjólk, möndlumjólk eða önnur mjólk
- ½ dl agave-síróp eða ljóst síróp
- 1½ tsk vanilludropar
Aðferð
- Hitið ofninn í 180°C.
- Setjið hveiti, púðursykur, matarsóda, salt og krydd í hrærivélaskál.
- Skerið smjörið eða smjörlíkið í litla teninga og bætið út í.
- Látið vélina ganga þar til blandan minnir á grófan sand.
- Hellið mjólk, sírópi og vanilludropum saman við á meðan hrærivélin gengur.
- Hrærið þar til deig myndast.
💡 Deigið á að vera örlítið klístrað – það er alveg eðlilegt.
- Pakkið deiginu vel inn í plastfilmu.
- Kælið í að minnsta kosti 2 klukkustundir, eða yfir nótt.
- Fletjið deigið út í um ½ cm þykkt á létt hveitistráðu borði.
- Skerið út með piparkökuformum.
- Raðið á bökunarpappírsklædda plötu.
- Bakið í 10 mínútur.
- Látið piparkökurnar kólna á grind áður en þær eru skreyttar eða settar í box.
💛 Birnu-ráð
- Kælið deigið vel – þá er mun auðveldara að fletja það út.
- Ef deigið verður of mjúkt á meðan þið vinnið með það, setjið það aftur í ísskáp í 10–15 mínútur.
- Piparkökurnar geymast vel í loftþéttu boxi í nokkrar vikur.
👩🍳 Skreytingar
Þessar piparkökur eru frábærar til að skreyta með:
- Glassúr
- Lituðum sykri
- Smá nammi
- Bræddu súkkulaði
Fullkomið verkefni fyrir litlar hendur í aðdraganda jólanna. ❤️
Ummæli
Skrifa ummæli