⭐ Mjúkar, trefjaríkar og fullar af góðri næringu
Þessar speltbollur eru einstaklega mjúkar, bragðgóðar og mettandi. Þær eru fullkomnar í nestisboxið, með súpunni eða nýbakaðar með smjöri og osti. Uppskriftin gefur stóran skammt og hentar því vel til að frysta.
Hráefni
- 1 kg fínt spelt
- 500 g gróft spelt
- 10 msk hveitikím
- 3 dl fræ að eigin vali
- 1 dl kókospálmasykur
- 1 dl olía
- 8 dl mjólk, haframjólk eða möndlumjólk
- 1 lítil dós kotasæla
- 2 bréf þurrger
- 1 dl volgt vatn
- 1 tsk salt
Aðferð
1. Gerblandan
- Leysið þurrgerið upp í 1 dl af volgu vatni.
- Látið standa í nokkrar mínútur.
2. Deigið
- Blandið saman öllu spelti, hveitikími, fræjum, kókospálmasykri og salti.
- Setjið mjólk, kotasælu og olíu í pott og hitið þar til blandan er volg.
- Takið pottinn af hellunni og hrærið gerblöndunni saman við.
- Hellið vökvanum út í þurrefnin og hnoðið þar til mjúkt og teygjanlegt deig myndast.
3. Hefing
- Látið deigið hefast í 30 mínútur undir rökum viskustykki.
- Hnoðið deigið létt.
- Mótið bollur.
- Raðið á bökunarpappírsklædda plötu og látið hefast í 20 mínútur til viðbótar.
4. Bakstur
Hitið ofninn í 200°C.
Bakið bollurnar í 10–15 mínútur, eða þar til þær eru fallega gylltar.
💛 Birnu-ráð
- Þessi uppskrift gefur um 40 bollur, þannig að hún hentar einstaklega vel til að frysta.
- Skiptið fræjunum út eftir smekk. Ég nota gjarnan blöndu af sólblómafræjum, graskersfræjum, hörfræjum og sesamfræjum.
- Bollurnar eru einstaklega mjúkar vegna kotasælunnar og haldast ferskar lengur en margar aðrar heimabakaðar bollur.
Ummæli
Skrifa ummæli