⭐ Mjúkar súkkulaðikökur með bráðnandi karamellu í miðjunni
Þessar kökur eru algjör sælkeradraumur! Mjúkar súkkulaðikökur með falinni karamellumiðju sem bráðnar þegar þær eru nýbakaðar. Erfitt að borða bara eina! 🤎
Hráefni
- 100 g dökkt súkkulaði
- 150 g púðursykur
- 75 g mjúkt smjör
- 1 egg
- 150 g hveiti
- ½ tsk lyftiduft
- ¼ tsk matarsódi
- 2 stk. Galaxy Caramel eða Cadbury's Caramel súkkulaðistykki
Aðferð
- Hitið ofninn í 180°C.
- Bræðið súkkulaðið yfir vatnsbaði og látið það kólna örlítið.
- Þeytið saman smjöri og púðursykri þar til blandan verður mjúk og létt.
- Bætið egginu út í og hrærið vel.
- Hellið brædda súkkulaðinu saman við.
- Blandið saman hveiti, lyftidufti og matarsóda og bætið út í deigið.
💛 Deigið á að vera þétt en mjúkt. Ef það er mjög klístrað má bæta örlitlu hveiti út í.
Mótið kökurnar
Venjuleg stærð
- Skiptið deiginu í 3 hluta.
- Skiptið hverjum hluta í 12 litlar kúlur (36 kökur alls).
- Skerið hvort karamellustykki í 18 bita.
- Setjið einn karamellubita í miðjuna á hverri kúlu og lokið deiginu vel utan um hann.
Bakið í 8 mínútur.
Stærri kökur
- Skiptið deiginu í 24 kúlur.
- Skerið karamellustykkin í 12 stærri bita.
- Setjið einn bita í hverja kúlu.
Bakið í 10 mínútur.
💛 Birnu-ráð
- Köturnar eiga að vera örlítið mjúkar þegar þær koma úr ofninum. Þær stífna þegar þær kólna.
- Bestar eru þær nýbakaðar þegar karamellan er enn mjúk í miðjunni.
- Berið fram með ískaldri mjólk eða góðum kaffibolla.
Ummæli
Skrifa ummæli