⭐ Mjúkar í miðjunni, stökkar á köntunum
Þetta eru klassísku súkkulaðibitakökurnar sem allir elska. Þær eru stórar, mjúkar og seigar með bæði dökku og hvítu súkkulaði. Bestar nýbakaðar með ískaldri mjólk eða heitum kaffibolla. ❤️
Hráefni
- 200 g mjúkt smjör eða smjörlíki
- 200 g púðursykur
- 200 g sykur
- 2 egg
- 1 tsk vanilludropar
- 350 g hveiti
- 1 tsk lyftiduft
- ½ tsk salt
- 150 g dökkir súkkulaðidropar eða súkkulaðihnappar
- 100 g hvítir súkkulaðidropar eða súkkulaðihnappar
Aðferð
- Hitið ofninn í 190°C.
- Þeytið saman smjöri, púðursykri og sykri þar til blandan verður ljós og létt.
- Bætið eggjunum út í, einu í einu, og hrærið vel á milli.
- Bætið vanilludropunum saman við.
- Blandið saman hveiti, lyftidufti og salti og hrærið varlega út í deigið.
- Hrærið að lokum dökku og hvítu súkkulaðidropunum saman við með sleif.
Bakið
💛 Mér finnst langbest að gera stórar kökur.
- Setjið kúffulla matskeið af deigi á bökunarpappírsklædda plötu.
- Hafið gott bil á milli þar sem þær renna aðeins út.
Bakið í 12–14 mínútur, eða þar til kökurnar eru rétt byrjaðar að gyllast á köntunum.
👉 Þær eiga að vera aðeins mjúkar í miðjunni þegar þær koma úr ofninum – þær stífna þegar þær kólna.
💛 Birnu-ráð
- Stráið nokkrum súkkulaðidropum ofan á hverja kúlu áður en þær fara í ofninn. Þá líta þær út eins og úr bakaríi.
- Ekki baka þær of lengi ef þið viljið extra mjúkar kökur.
- Deigið má geyma í kæli í allt að tvo daga eða frysta í litlum kúlum.
Ummæli
Skrifa ummæli