Kjúklinga- og kartöflugratín

hinn

⭐ Rjómakenndur ofnréttur sem slær alltaf í gegn

Þessi réttur er sannkallaður þægindamatur. Safaríkur kjúklingur, piparostasósa og mjúkar kartöflur gera hann að fullkomnum fjölskyldurétti. Með túrmerik-kúskús og fersku salati verður þetta heil máltíð sem hentar jafnt á virkum dögum og um helgar.

Hráefni

Kjúklingurinn

  • 4 kjúklingabringur
  • 2 dl sýrður rjómi
  • 1 msk Dijon-sinnep
  • Nýmalaður svartur pipar
  • Grænmetissalt
  • Arabískt kjúklingakrydd (ég nota kryddið frá Pottagöldrum)

Gratínið

  • 1 sæt kartafla
  • 5–6 kartöflur
  • 1 rauðlaukur
  • 250 ml rjómi
  • 1 piparostur
  • Rifinn ostur

Aðferð

Marinering

  1. Skerið kjúklingabringurnar í hæfilega stóra bita.
  2. Blandið saman sýrðum rjóma, Dijon-sinnepi og kryddunum.
  3. Veltið kjúklingnum upp úr marineringunni og látið standa á meðan hitt er undirbúið.

Kartöflugratínið

  1. Hitið ofninn í 180°C.
  2. Flysjið og skerið kartöflurnar og sætu kartöfluna í þunnar sneiðar eða litla bita.
  3. Skerið rauðlaukinn smátt.
  4. Léttsteikið kartöflurnar og rauðlaukinn á pönnu í örlítið af olíu.
  5. Færið yfir í eldfast mót.

Piparostasósan

  1. Skerið piparostinn í litla bita.
  2. Setjið ostinn og rjómann á pönnu.
  3. Hitið við vægan hita þar til osturinn hefur bráðnað.
  4. Bætið marineruðum kjúklingnum út í og steikið í 2–3 mínútur.

💛 Kjúklingurinn þarf ekki að eldast alveg á pönnunni þar sem hann klárast í ofninum.

  1. Hellið blöndunni yfir kartöflurnar.
  2. Stráið rifnum osti yfir.
  3. Bakið í 30 mínútur, eða þar til kartöflurnar eru mjúkar og osturinn orðinn fallega gullinn.

🌼 Túrmerik-kúskús

Hráefni

  • 1½ bolli vatn
  • 1½ bolli kúskús
  • Smá ólífuolía
  • 1 tsk túrmerik
  • Grænmetissalt

Aðferð

  1. Látið vatn, ólífuolíu, túrmerik og grænmetissalt suðuna koma upp.
  2. Slökkvið undir pottinum.
  3. Hrærið kúskúsinu saman við.
  4. Setjið lok á og látið standa í 5 mínútur.
  5. Losið kúskúsið með gaffli.

💡 Ef enn er vökvi eftir má hita það í örfáar mínútur við vægan hita.

🍽️ Berið fram með

  • Túrmerik-kúskús
  • Fersku salati
  • Hvítlauksbrauði

💛 Birnu-ráð

  • Brokkolí eða spínat passar líka mjög vel í gratínið.
  • Ef þið viljið meiri piparkeim má bæta við smá nýmöluðum pipar í ostasósuna.
  • Rétturinn er frábær daginn eftir og hentar vel í nestisbox.

Ummæli

Skrifa ummæli