Blaut súkkulaðikaka sem bráðnar í munni

hinn

⭐ Fyrir alvöru súkkulaðiunnendur

Ef þið elskið djúsí súkkulaðikökur þá er þessi fyrir ykkur. Hún er þétt, rak og silkimjúk – svo mjúk að hún bráðnar bókstaflega í munni. Með glansandi súkkulaðikremi og þeyttum rjóma verður hún algjör veisla. ❤️

Hráefni

Botn

  • 250 g dökkt súkkulaði eða suðusúkkulaði
  • 250 g smjör
  • 6 egg
  • 2½ dl sykur
  • 1 dl hveiti

Aðferð

  1. Hitið ofninn í 175°C.
  2. Bræðið smjörið í potti.
  3. Takið pottinn af hitanum og bætið súkkulaðinu út í. Hrærið þar til það hefur bráðnað alveg.
  4. Þeytið saman egg og sykur þar til blandan verður ljós, létt og loftmikil.
  5. Hrærið hveitinu varlega saman við.
  6. Hellið súkkulaðiblöndunni saman við og blandið varlega þar til deigið er slétt.
  7. Hellið deiginu í smurt 22–24 cm smelluform.
  8. Bakið neðarlega í ofni í um 30 mínútur.

💛 Kakan er tilbúin þegar hún byrjar að springa örlítið við kantana en er enn mjúk í miðjunni.

  1. Látið kökuna kólna alveg í forminu.
  2. Setjið hana í ísskáp áður en kremið er sett á.

🍫 Súkkulaðikrem

Hráefni

  • 100 g smjör
  • 100 g dökkt súkkulaði eða suðusúkkulaði
  • ¾ dl hunang eða agave-síróp

Aðferð

  1. Bræðið smjörið í potti.
  2. Bætið súkkulaðinu saman við og hrærið þar til það er bráðið.
  3. Bætið hunangi eða agave-sírópi út í.
  4. Látið kremið kólna aðeins svo það þykkni örlítið.
  5. Smyrjið yfir kalda kökuna.

🍽️ Berið fram með

  • Léttþeyttum rjóma
  • Ferskum hindberjum eða jarðarberjum
  • Vanilluís

💛 Birnu-ráð

  • Kakan er jafnvel enn betri daginn eftir þegar hún hefur fengið að standa í kæli.
  • Notið gott dökkt súkkulaði fyrir enn dýpra bragð.
  • Stráið örlitlu flögusalti yfir kremið rétt áður en hún er borin fram – það lyftir súkkulaðibragðinu enn meira.

Ummæli

Skrifa ummæli