Hakkbollur í ostasósu

Hakkbollurnar:

500 gr nauta- eða lambahakk

1 egg

1 dl hveiti

12-15 ritz kexkökur

Gott á lambið kryddblanda

Svartur pipar

Byrjið á að hita ofninn í 180°C. Blandið síðan saman í skál hakki, eggi, hveiti og muldum ritzkökum. Kryddið eftir smekk og formið í litlar bollur. Léttsteikið á pönnu við miðlungshita og setjið í eldfast mót. 

Sósan:

Smurostur eða fastur ostur t.d. piparostur, mexíkó....

1/4 l Rjómi/matreiðslurjómi

1 b Mjólk

Hitið saman í potti við vægan hita þar til osturinn er bráðnaður.

Hellið sósunni yfir bollurnar og stráið gratínosti/pizzaosti yfir (magn eftir smekk). Setjið í ofninn og eldið í 20 mín. Berið fram með spaghetti/pasta, lítríku salati og rifsberjasultu.