Fylltar tortillakökur

Innihald:

hakk

1 bréf tacokrydd

1 krukka taco/salsasósa

1 dós 10% sýrður rjómi

8 litlar tortillakökur

3 tómatar

1 rauðlaukur

rifinn ostur

Byrjið á að steikja hakkið. Bætið þá kryddinu útí ásamt ca 2dl af vatni. Látið blönduna sjóða niður, bætið þá hálfri salsasósu úti og ásamt 2 msk af sýrðum rjóma. Sjóðið saman við vægan hita þar til sósan er nokkuð þykk. Hitið ofninn í 220°C.

Skerið rauðlaukinn og tómatana smátt. Takið til öll hráefnin sem eiga að fara á tortilluna.

Byrjið á að smyrja ca 1 msk af sýrðum rjóma á tortilluna. 

Dreifið síðan ostinum, rauðlauknum og tómötunum yfir.

Setjið síðan hakkblönduna á tortilluna.

Rúllið upp og raðið þétt saman í eldföstu móti sem búið er að smyrja með olíu. Slettið síðan sýrðum rjóma og salsasósu yfir og dreifið að lokum rifnum osti yfir.

Eldið í ofni við 220°C í 20 mín. Berið fram með sýrðum rjóma og salsasósu.

Njótið vel.