Einfalt og hollt hnetusmjörsnammi

Einfalt, fljótlegt og ótrúlega gott snarl sem tekur aðeins nokkrar mínútur að útbúa. Fullkomið þegar langar í eitthvað sætt en aðeins hollara.

Hráefni

• ¾ bolli hnetusmjör
• ½ bolli hunang
• 3 bollar Cheerios

Til skrauts (valfrjálst)

• Súkkulaðihnetusmjör með stevíu eða brætt dökkt súkkulaði

Aðferð

1. Setjið hnetusmjörið og hunangið í pott og hitið við vægan hita þar til blandan verður mjúk og samfelld.
2. Takið pottinn af hellunni og bætið Cheerios út í. Blandið varlega saman þannig að allt hjúpist vel.
3. Klæðið ferkantað form með bökunarpappír og dreifið blöndunni jafnt í formið.
4. Þrýstið blöndunni varlega niður með sleikju eða botni á glasi.
5. Kælið í ísskáp í að minnsta kosti 1 klukkustund.
6. Skerið í hæfilega bita og njótið.

💛 Birnu-ráð

Ég setti smá súkkulaðihnetusmjör með stevíu yfir áður en nammið fór í ísskápinn. Það tekur þetta alveg upp á næsta stig – og sakar alls ekki! 😍