Stökkir að utan, mjúkir að innan og fullir af bragði. Þessir klattar eru frábærir sem léttur kvöldverður, hádegismatur eða meðlæti með grillmat. Græna sósan tekur þá svo á næsta stig!
Hráefni
Kúrbíts- og gulrótarklattar
- 1 kúrbítur
- 1 stór gulrót
- 3 vorlaukar
- 2 egg
- ⅔ bolli gróft spelt
- ½ bolli rifinn ostur
- Krydd eftir smekk (ég notaði svartan pipar, túrmerik, karrý og cumin)
- Ólífuolía til steikingar
Aðferð
- Rífið kúrbítinn og gulrótina gróft.
- Saxið vorlaukinn smátt.
- Blandið öllu hráefninu saman í skál þar til deig myndast.
- Hitið ólífuolíu á pönnu.
- Setjið matskeið af blöndunni á pönnuna og fletjið örlítið út.
- Steikið við meðalhita í 3–4 mínútur á hvorri hlið eða þar til klattarnir eru fallega gullinbrúnir.
🥑 Græn sósa
Silkimjúk, fersk og full af bragði – passar með nánast öllu.
Hráefni
- 1 avókadó
- 2 hvítlauksrif
- Nokkrir dropar Tabasco
- Safi úr lime
- Handfylli fersk basilíka
- Handfylli strengjabaunir (má sleppa eða nota annað grænt grænmeti)
- ½ bolli ólífuolía
- ½ bolli vatn
- Salt og pipar
Aðferð
- Setjið allt hráefnið í blandara eða Nutribullet.
- Maukið þar til sósan verður silkimjúk.
- Smakkið til með salti, pipar og meira lime ef þarf.
- Geymið í kæli þar til hún er borin fram.
💛 Birnu-ráð
- Ef kúrbíturinn er mjög safaríkur er gott að kreista aðeins mesta vökvann úr áður en hann fer í deigið.
- Gott er að bæta við smá chili eða chiliflögum ef þið viljið meiri hita.
- Klattarnir eru líka frábærir kaldir í nestisboxið daginn eftir.
Berið fram með
- Sýrðum rjóma
- Sweet chili sósu
- Grænu sósunni
- Fersku salati
Ummæli
Skrifa ummæli