Létt, fersk og ótrúlega góð hrákaka sem inniheldur engan viðbættan hvítan sykur. Fullkomin sem hollari eftirréttur eða með kaffinu.
Hráefni
Botn
- 250 g döðlur
- 3 msk kókosolía
- 1 banani
- 1 msk agave-síróp
- 2 dl haframjöl eða tröllahafrar
- 2 msk lífrænt kakóduft
- 2–3 dropar karamellu-stevía (má sleppa)
Ofan á
- 50 g 70% sykurlaust súkkulaði með myntubragði, saxað
- 50 g dökkt súkkulaði (70%) eða suðusúkkulaði, brætt
Ávextir
- 1 lítið epli
- 1 kiwi
- 3 jarðarber
Til skrauts
- Kókosflögur
Aðferð
1. Botninn
- Saxið döðlurnar gróft og setjið þær í pott.
- Hellið vatni yfir þannig að það rétt fljóti yfir döðlurnar.
- Látið sjóða í nokkrar mínútur þar til þær mýkjast.
- Hellið vatninu frá.
- Stappið bananann saman við döðlurnar.
- Bætið kókosolíu, agave-sírópi, haframjöli, kakódufti og stevíu saman við og hrærið vel.
2. Mótið kökuna
- Þrýstið blöndunni í botn á gler- eða kökuformi.
- Dreifið saxaða myntusúkkulaðinu yfir á meðan botninn er enn volgur svo það byrji að bráðna.
- Setjið formið í frysti á meðan þið undirbúið ávextina.
3. Skreytið
- Skerið epli, kiwi og jarðarber í fallega bita.
- Raðið ávöxtunum yfir kökuna.
- Bræðið súkkulaðið yfir vatnsbaði og dreifið yfir ávextina.
- Stráið kókosflögum yfir.
💛 Birnu-ráð
- Kakan er einstaklega góð ein og sér en verður algjör veisla með léttþeyttum rjóma.
- Skiptið ávöxtunum út eftir árstíma – bláber, hindber eða mangó passa líka einstaklega vel.
- Geymið kökuna í kæli og berið hana fram vel kalda.
Ummæli
Skrifa ummæli