Mjúkt, safaríkt og náttúrulega sætt bananabrauð sem er fullkomið í morgunmat, nesti eða sem hollara kaffimeðlæti. Þroskaðir bananar og eplamauk sjá um sætuna.
Hráefni
- 2 vel þroskaðir bananar
- ½ bolli eplamauk
- 1 bolli heilhveiti
- Smá skvetta af sítrónu- eða límónusafa
- 1 egg
- 1 tsk matarsódi
- ¼ tsk salt
- Dökkir súkkulaðispænir eftir smekk (má sleppa)
Aðferð
- Hitið ofninn í 180°C.
- Stappið bananana eða setjið þá í hrærivél ásamt eplamaukinu.
- Bætið egginu og sítrónu- eða límónusafanum út í.
- Blandið heilhveiti, matarsóda og salti saman við.
- Hrærið að lokum súkkulaðispænunum varlega saman við.
- Hellið deiginu í smurt brauðform.
- Bakið í 35 mínútur, eða þar til prjónn sem stungið er í miðjuna kemur hreinn út.
- Látið brauðið kólna aðeins áður en það er tekið úr forminu.
💛 Birnu-ráð
- Því þroskaðri sem bananarnir eru, því sætara og safaríkara verður brauðið.
- Valhnetur eða pekanhnetur passa einstaklega vel með.
- Gott er að hita sneið aðeins og bera fram með smá smjöri eða hnetusmjöri.
- Brauðið má líka skera í sneiðar og frysta.
Ummæli
Skrifa ummæli