Silkimjúkar Oreo-trufflur með fersku piparmyntubragði, hjúpaðar með hvítu súkkulaði og stökkum Bismark-brjóstsykri. Fullkomnar í jólakonfektið!
Hráefni
- 1 pakki Oreo-kex (154 g)
- 200 g rjómaostur
- ½–1 tsk piparmyntudropar (smakkið til)
- 250–300 g hvítt súkkulaði
Til skrauts
- 2–3 Bismark-brjóstsykrur, muldar gróft
Aðferð
- Myljið Oreo-kexið fínt í matvinnsluvél.
- Bætið rjómaostinum og piparmyntudropunum út í og blandið þar til þéttur massi myndast.
- Kælið blönduna í um 30 mínútur.
- Mótið litlar kúlur og leggið á bökunarpappír.
- Kælið aftur í um 20–30 mínútur eða frystið í 10 mínútur.
- Bræðið hvíta súkkulaðið yfir vatnsbaði eða í örbylgjuofni.
- Dýfið trufflunum í súkkulaðið.
- Áður en súkkulaðið storknar, stráið muldum Bismark-brjóstsykri yfir.
Látið storkna alveg áður en þær eru bornar fram.
💛 Birnu-ráð
- Ekki nota of mikið af piparmyntudropum – þeir eru mjög sterkir. Byrjið með ½ teskeið og smakkið áður en meira er bætt við.
- Bismark-brjóstsykurinn gefur bæði fallegan lit og skemmtilega stökka áferð.
- Geymið trufflurnar í kæli þar til þær eru bornar fram.
Ummæli
Skrifa ummæli