⭐ Verðið að prófa!
Ef þið eruð að leita að fiskrétti sem slær alltaf í gegn hjá allri fjölskyldunni, þá er þessi algjör snilld. Safarík ýsa, rjómakennd beikonsósa og stökk beikon gera þennan rétt að einum af þeim sem klárast alltaf af fatinu. ❤️
Hráefni
- 700–800 g ýsa eða annar hvítur fiskur
- 1 dós léttur beikon- og skinkusmurostur
- Smá mjólk
- 1 blaðlaukur
- 6–8 beikonsneiðar
- Rifinn ostur
- Grænmetissalt
- Nýmalaður svartur pipar
Aðferð
- Hitið ofninn í 200°C.
- Þurrsteikið beikonið þar til það verður fallega stökkt.
- Leggið beikonið á eldhúspappír og myljið það síðan í litla bita.
Beikonsósan
- Setjið smurostinn í lítinn pott.
- Bætið smá mjólk saman við.
- Hitið við vægan hita þar til mjúk og silkimjúk sósa myndast.
Setjið réttinn saman
- Skerið fiskinn í hæfilega stóra bita og raðið í eldfast mót.
- Kryddið með grænmetissalti og nýmöluðum pipar.
- Skerið blaðlaukinn smátt og dreifið yfir fiskinn.
- Stráið beikonbitunum yfir.
- Hellið beikonsósunni yfir.
- Toppið með rifnum osti.
Bakstur
Bakið í 30 mínútur, eða þar til fiskurinn er eldaður í gegn og osturinn orðinn fallega gullinn.
🍽️ Berið fram með
- Soðnum kartöflum
- Hrísgrjónum
- Fersku salati
- Hvítlauksbrauði
💛 Birnu-ráð
- Smá paprikuduft eða chiliflögur gefa réttinum skemmtilegan bragðkeim.
- Brokkolí eða blómkál passar líka mjög vel í réttinn.
- Ef þið viljið aðeins léttari útgáfu má nota matreiðslumjólk í sósuna.
Ummæli
Skrifa ummæli