⭐ Ein af vinsælustu uppskriftunum á Birnumatur
Þetta bananabrauð hefur verið í miklu uppáhaldi hjá lesendum í gegnum árin. Það er einstaklega mjúkt, safaríkt og einfalt í gerð – tilvalið með kaffibollanum, í nestið eða sem hollara millimál.
Hráefni
- 3–4 vel þroskaðir bananar
- 2½ dl haframjöl
- 1 dl olía
- 2 dl sykur eða hrásykur
- 5 dl hveiti, heilhveiti eða spelt
- 1½ tsk lyftiduft (eða vínsteinslyftiduft)
- ½ tsk salt
- 1 dl grófsaxaðar hnetur
Aðferð
- Hitið ofninn í 180°C.
- Stappið bananana vel.
- Blandið öllum hráefnunum saman í skál.
Passið að hræra deigið ekki of mikið. Hrærið aðeins þar til allt hefur blandast saman – þannig verður brauðið létt og safaríkt.
- Hellið deiginu í smurt brauðform.
- Bakið í 60 mínútur, eða þar til prjónn sem stungið er í miðjuna kemur hreinn út.
- Látið brauðið kólna í 10–15 mínútur áður en það er tekið úr forminu.
💛 Birnu-ráð
- Því þroskaðri sem bananarnir eru, því meira bragð og náttúrulega sætu fær brauðið.
- Valhnetur, pekanhnetur eða heslihnetur passa einstaklega vel.
- Gott er að bæta við dökku súkkulaði ef þið viljið gera brauðið aðeins meira djúsí.
- Brauðið er dásamlegt ristað með smá smjöri daginn eftir.
Ummæli
Skrifa ummæli